O obxectivo dos sistemas modernos na nube e nas instalacións é evitar o perigo, pero a realidade é que a detección e a resposta son fundamentais. Manter á súa organización fóra dos titulares de infraccións depende do ben que se xestionen os incidentes para minimizar as perdas para a empresa.

En SEC504, aprenderá a aplicar un enfoque dinámico á resposta ante os incidentes. Utilizando indicadores de compromiso, practicará os pasos para responder eficazmente as brechas que afectan a Windows, Linux e plataformas na nube. Poderá levar á oficina as habilidades e a experiencia práctica adquiridas no curso e aplicalas inmediatamente.

O curso céntrase na aplicación do aprendido mediante exercicios prácticos: o 50% do curso é práctico; nel atacará, defenderá e avaliará os danos causados polos causantes das ameazas. Traballará con contornas de rede complexas, plataformas e aplicacións host do mundo real e conxuntos de datos complexos que reflicten o tipo de traballo que se lle pode pedir que realice. Nunca perderá o acceso aos exercicios de laboratorio e poderá repetilos tantas veces como desexe. Todos os exercicios de laboratorio veñen acompañados de vídeos detallados que lle axudarán a reforzar os conceptos aprendidos no curso.

Comprender os pasos para levar a cabo eficazmente a resposta a incidentes é só unha parte da ecuación. Para comprender plenamente as accións que as/os atacantes levan a cabo contra unha organización, tamén é necesario entender as súas ferramentas e técnicas. Na contorna práctica proporcionada por SEC504, utilizará as mesmas ferramentas que os atacantes para comprender como se aplican e os artefactos que deixan tras de si. Ao entrar na mentalidade dos atacantes, aprenderá como aplican as súas tácticas, técnicas e procedementos contra a súa organización; e poderá utilizar esa información para anticiparse aos seus movementos e construír mellores defensas.

• Xestoras/es de incidentes
• Personas responsables de equipos de xestión de incidentes
• Administradoras/es de sistemas en primeira liña defendendo os seus sistemas e responden os ataques
• Outro persoal de seguridade que son os primeiros en responder cando son atacados
• Profesionais da seguridade en xeral e arquitectos de seguridade que desexen deseñar, construír e operar os seus sistemas para previr, detectar e responder os ataques

Ron Hamann, relator deste curso, é un oficial e soldado retirado das Forzas aéreas estadounidenses; dispón de máis de 20 anos de experiencia en tecnoloxías da información e garantía da información, no desenvolvemento de software e adminístración de sistemas, e na análise de seguridade e de operacións de seguridade. Na actualidade, Ron é analista de seguridade sénior para Rackspace Managed Security en San Antonio (Texas), onde traballa no centro de operacións de seguridade buscando actividades de atacantes e respondendo a ataques. Ron é instrutor de seguridade desde 2010, compartindo as súas experiencias en múltiples centros de operacións de seguridade, tanto militares como comerciais; os seus clientes de consultoría incluen á NASA, empresas de petróleo e gas, e empresas da industria da construción. Ron imparte as tres clases principais para o IGE e o prol-grama de máster de CTI: SEC401, SEC503 e SEC504.