Ao finalizar o curso, o alumnado será capaz de:
 

• Comprender os principios, valores e fundamentos da Análise de Negocio en contornos Agile, de acordo co Agile Extension to the BABOK® Guide.
• Aplicar o Agile Mindset para identificar necesidades, analizar oportunidades e contribuír á entrega continua de valor ás organizacións.
• Comprender o papel da Análise de Negocio dentro de equipos Agile e a súa contribución ao éxito de produtos, servizos e iniciativas de transformación.
• Aplicar técnicas e prácticas de Análise de Negocio adaptadas a contornos áxiles para o descubrimento, análise, priorización, validación e evolución de necesidades e solucións.
• Facilitar a colaboración efectiva entre stakeholders, clientes, persoas usuarias e equipos multidisciplinares, favorecendo a toma de decisións baseada na xeración de valor.
• Adaptar as prácticas da Análise de Negocio a contornos caracterizados pola incerteza, o cambio continuo e a mellora incremental.
• Adquirir os coñecementos e competencias necesarios para afrontar con garantías o exame oficial da certificación IIBA® Agile Analysis Certification (AAC).

Este curso está dirixido a profesionais do ámbito das Tecnoloxías da Información e das Comunicacións (TIC) e da transformación dixital que participan na definición, desenvolvemento, implantación ou evolución de produtos, servizos e solucións en contornos Agile.
 
A certificación IIBA® Agile Analysis Certification (AAC)™ non está orientada exclusivamente a analistas de negocio, senón a todas aquelas persoas que, desde distintos roles, contribúen á identificación de necesidades, á toma de decisións, á definición de solucións e á entrega de valor ás organizacións.
 
Está especialmente recomendado para Product Owners, Product Managers, Scrum Masters, Agile Coaches, xefes/as de proxecto, analistas de negocio, analistas funcionais, arquitectos/as de software e solucións, desenvolvedores/as, profesionais de QA, DevOps, UX/UI, consultores/as TIC, responsables de innovación, transformación dixital e mellora de procesos, así como para calquera profesional que participe en equipos multidisciplinares que traballen con metodoloxías Agile.
 
Non se require desempeñar o rol de Business Analyst para aproveitar os contidos do curso nin para optar á certificación oficial, sendo unha formación especialmente indicada para profesionais que desexen incorporar as boas prácticas da Análise de Negocio á súa actividade profesional e potenciar a súa capacidade para xerar valor en contornos áxiles.

Rafa Pagán (https://www.linkedin.com/in/rafapagan/) é consultor sénior, formador internacional e mentor especializado en Dirección de Proxectos, Dirección de Programas e Portafolios, Análise de Negocio, metodoloxías Agile e transformación organizativa, con máis de 25 anos de experiencia en consultoría, formación e dirección de proxectos en organizacións públicas e privadas.
 
É Presidente do IIBA® Spain Chapter e responsable do único IIBA® Premium Training Partner existente actualmente en España, acreditación oficial outorgada polo International Institute of Business Analysis (IIBA®) para impartir formación oficial nas certificacións da institución.
 
Conta cun amplo recoñecemento internacional e posúe algunhas das certificacións profesionais máis prestixiosas nos ámbitos da Dirección de Proxectos, Análise de Negocio e metodoloxías Agile. Entre elas destacan PfMP® (Portfolio Management Professional), PgMP® (Program Management Professional), PMP® (Project Management Professional), PMI-PBA®, PMI-ACP®, PMI-RMP®, PMI-SP® e DASM® do Project Management Institute (PMI®), así como CBAP™ (Certified Business Analysis Professional), CPOA™ (Certificate in Product Ownership Analysis) e AAC™ (Agile Analysis Certification) do International Institute of Business Analysis (IIBA®).
 
Complementa esta traxectoria con múltiples certificacións en metodoloxías Agile e Scrum, entre elas Certified ScrumMaster (CSM®), Certified Scrum Product Owner (CSPO®), Professional Scrum Master (PSM™), Professional Scrum Product Owner (PSPO™), Scaled Scrum Master (SSM), Scaled Advanced Scrum Master (SASM), Scaled Product Owner/Product Manager (POPM), así como certificacións oficiais de Microsoft e PM² para proxectos oficiais no marco da UE.
 
Ao longo da súa carreira impartiu centos de edicións de accións formativas para empresas, universidades e administracións públicas, formando a miles de profesionais en Dirección de Proxectos, Business Analysis, Agile, Microsoft Project e competencias asociadas á transformación dixital.
 
A súa combinación de experiencia profesional, actividade docente e participación activa nos principais organismos internacionais de referencia converten ao docente nun profesional altamente cualificado para impartir programas oficiais de certificación e formación especializada no ámbito das Tecnoloxías da Información, a Dirección de Proxectos e a Análise de Negocio