| Tipo de edición | Edición única (desempregados/as e ocupados/as) |
|---|---|
| Metodoloxía | Virtual + teleformación |
| Tipo | CURSO |
| Matrícula | Gratuíta |
| Data inicio | 13/04/2026 |
| Data fin | 13/05/2026 |
| Certificación oficial | Si |
| Exame | Cisco Certified Support Technician (CCST) Cybersecurity - (100-160 CCST Cybersecurity) |
| Nº inscritos | 0 |
Con esta formación oficial deseñada por Cisco, analista junior en ciberseguridade ou técnico de soporte certificado en ciberseguridade (Cisco Certified Support Technician in Cybersecurity), recórrense as áreas clave para analizar e manter a seguridade da información nas organizacións, incluíndo os sistemas operativos, as aplicacións e as comunicacións en rede.
Partindo de aspectos fundamentais ofrécese unha perspectiva integral do escenario actual das ameazas de ciberseguridade; identifícanse e categorízanse os obxectivos, as vulnerabilidades, os/as autores/as, e a diversidade de elementos tecnolóxicos dos que se aproveitan os/as atacantes, caracterizando posteriormente as diferentes fases que conforman os ciberataques e os puntos a ter en conta para establecer os mellores métodos de contención e defensa.
A formación ten unha duración de 100 horas (40 AULA VIRTUAL SINCRONA - 60 TELEFORMACIÓN).
Unha vez rematado o curso, o alumnado adquirirá os coñecementos necesarios para:
- Explicar e mitigar ciberataques comúns, vulnerabilidades TCP/IP e ameazas á rede
- Describir principios de seguridade de rede e dispositivos que melloran a seguridade
- Configurar e solucionar problemas de seguridade en redes sen fíos, Windows e Linux
- Recomendar medidas de seguridade na nube e técnicas criptográficas
- Avaliar protección de puntos finais, impactos do malware e vulnerabilidades
- Usar rexistros e ferramentas de monitorización para mellorar a seguridade
- Crear políticas de gobernanza, probas de seguridade e avaliar ameazas
- Aplicar modelos de resposta a incidentes e técnicas forenses
O curso está dirixido de xeito específico a profesionais de TI que desexen iniciarse no ámbito da ciberseguridade.
Para un mellor aproveitamento do curso, é recomendable ter coñecementos básicos de sistemas operativos Windows e/ou Linux, conceptos básicos de programación e un nivel de coñecementos previos en redes (equivalente ter realizado os módulos 1 e 2 do curso CCNA v7, ou o curso CCST in Networking).
Aínda que a formación e manuais están en castelán os contidos da NETACAD actualmente están dispoñibles en inglés polo que se require un dominio mínimo da lingua inglesa a nivel técnico.
Os docentes son instrutores acreditados polo programa Cisco Netacad e certificados nas especialidades que imparten.
- Duración :
100 horas (40h virtuais, 60h teleformación) - Metodoloxía :
Virtual + teleformación - Matrícula :
Gratuíta - Tecnoloxía :
- Cisco Systems
- Beneficios :
- Opción gratuita dun exame de certificación oficial
- Diploma de asistencia
- Módulos transversais :
- Igualdade de 10 horas
- Introdución á ciberserguridade
- Conceptos básicos de redes
- Dispositivos de rede e configuración inicial
- Seguridade en dispositivos finais
- Defensa da rede
- Xestión de ameazas