Descobre como combinar o mellor de dous mundos: a flexibilidade e potencia de Python coa rapidez e accesibilidade das plataformas low-code. Nesta sesión práctica exploraremos como orquestrar procesos complexos integrando scripts personalizados con ferramentas como Power Automate, n8n ou Make. Verás exemplos reais de automatización de tarefas repetitivas, extracción e transformación de datos, envío de notificacións, xestión de arquivos e moito máis. Se xa usas Python e queres sacarlle máis partido conectándoo con ferramentas visuais, ou se traballas con low-code e queres dar o seguinte paso cara á personalización avanzada, esta masterclass abrirache novas posibilidades. Un enfoque directo e sen reviravoltas para que empezos a crear fluxos de traballo máis intelixentes e eficientes desde o primeiro día.

O relator será Antonio Varela, Enxeñeiro Técnico en Informática de Sistema con máis de 15 anos de experiencia no sector TIC. Comezou o seu camiño en mundo TIC no desenvolvemento de aplicacións web en Java, tecnoloxía na que se especializou chegando a ser Offcial Trainer para Oracle durante varios anos aínda que a súa experiencia non se centra só no ámbito da formación, se non que a foi compaxinando con diferentes roles, desde desenvolvedor a analista chegando a xefe de proxecto. Nos últimos anos focalizou principalmente en dúas áreas: no desenvolvemento de interfaces multidispositivo incluíndo o uso de Realidade Aumentada e Realidade Virtual, e na manipulación e analítica de datos usando tecnoloxías como Python e intelixencia artificial.

Entre as empresas e organismo aos que asesorou ou formou atópanse Tecnocom, PSA Citroën, Universidade de Santiago de Compostela, Balidea, Centro de novas Tecnoloxías de Aragón (CTA), Centro de Novas Tecnoloxías de Galicia (CNTG), Opentrends, Xunta de Galicia, AMFEAFIP, ESTALMAT, FINSA, Grupo SM, SERVEF...