A IA xenerativa está a revolucionar o desenvolvemento de produtos dixitais. Nesta sesión intensiva aprenderás como usar Python para levar un modelo xenerativo desde a súa fase experimental ata unha solución funcional. Veremos como seleccionar o modelo adecuado (propio ou baseado en API), como preparalo para produción, como deseñar unha interface de interacción eficaz, e como integrar a solución con outros sistemas. Traballaremos con ferramentas como OpenAI, Hugging Face ou LangChain, enfocándonos en casos reais de uso como asistentes virtuais, xeración de contido e automatización de tarefas. Se xa tes nocións de machine learning ou Python e queres entender como dar o salto da idea ao produto con IA xenerativa, este seminario é para ti

O relator será Antonio Varela, Enxeñeiro Técnico en Informática de Sistema con máis de 15 anos de experiencia no sector TIC. Comezou o seu camiño en mundo TIC no desenvolvemento de aplicacións web en Java, tecnoloxía na que se especializou chegando a ser Offcial Trainer para Oracle durante varios anos aínda que a súa experiencia non se centra só no ámbito da formación, se non que a foi compaxinando con diferentes roles, desde desenvolvedor a analista chegando a xefe de proxecto. Nos últimos anos focalizou principalmente en dúas áreas: no desenvolvemento de interfaces multidispositivo incluíndo o uso de Realidade Aumentada e Realidade Virtual, e na manipulación e analítica de datos usando tecnoloxías como Python e intelixencia artificial.

Entre as empresas e organismo aos que asesorou ou formou atópanse Tecnocom, PSA Citroën, Universidade de Santiago de Compostela, Balidea, Centro de novas Tecnoloxías de Aragón (CTA), Centro de Novas Tecnoloxías de Galicia (CNTG), Opentrends, Xunta de Galicia, AMFEAFIP, ESTALMAT, FINSA, Grupo SM, SERVEF...