A xestión eficaz dun portafolio de servizos é esencial para asegurar que TI entrega verdadeiro valor ao negocio. Nesta sesión exploramos como ITIL 4 actualiza e dinamiza a visión estratéxica da xestión de servizos. Abordaranse prácticas clave como a xestión da demanda, a xestión financeira do servizo e o portafolio de servizos, conectándoas cos obxectivos estratéxicos da organización. Aprenderás a priorizar iniciativas, optimizar recursos e tomar decisións baseadas en valor. Ideal para quen lidera a planificación de servizos e buscan ferramentas para gobernar un catálogo dinámico, flexible e orientado ao cliente.

O relator será  Aitor Castro Casas, que conta con máis de 25 anos de experiencia na xestión de proxectos, produtos e servizos, combinando o seu perfil técnico cun enfoque humano centrado na mellora continua e na axilidade organizativa. Actualmente é socio, director de calidade e agile coach en Dilemma Solutions, donde impulsa o desenvolvemento de produtos sanitarios con tecnoloxías baseadas en intelixencia artificial. Como formador e consultor, Aitor colabora con entidades como Scrum Manager, ProKanban.org, Escuela de Finanzas (EFBS) ou a Universidad Internacional de La Rioja (UNIR), impartindo cursos oficiais sobre metodoloxías áxiles, métricas, OKR, IA e liderado. Está certificado pola principais organizacións internacionais en axilidade, xestión de proxectos e transformación dixital (Scrum.org, PMI, Scaled Agile, PeopleCert, entre outras), e ten acompañado a empresas como Estrella Galicia, Ibermática, Televes ou Johnson Controls nos seus procesos de evolución organizativa.