Incorporar indicadores de experiencia na xestión de servizos TI e utilizar o feedback dos usuarios para redeseñar, axustar e evolucionar os servizos desde unha perspectiva centrada no valor.

Pensado para xestores de servizos, responsables de soporte e profesionais que queren ir máis aló da visión técnica e centrarse na calidade percibida polo usuario.

O relator será Aitor Castro Casas. Conta con máis de 25 anos de experiencia na xestión de proxectos, produtos e servizos, combinando o seu perfil técnico cun enfoque humano centrado na mellora continua e a axilidade organizativa. Actualmente é socio, director de calidade e agile coach en Dilemma Solutions, onde impulsa o desenvolvemento de produtos sanitarios con tecnoloxías baseadas en intelixencia artificial. Ao longo da súa carreira liderou iniciativas crave en entidades como Amtega, Grupo Amaya Telleria (GAT) ou CIXTEC, sempre orientado á excelencia operativa e a transformación dixital. A súa experiencia abarca desde a enxeñería industrial e de software ata a dirección estratéxica e a xestión do cambio.

Como formador e consultor, Aitor colabora con entidades como Scrum Manager, Prokanban.org, Escola de Finanzas (EFBS) ou a Universidade Internacional da Rioxa (UNIR), impartindo cursos oficiais sobre metodoloxías áxiles, métricas, OKR, IA e liderado. Está certificado polas principais organizacións internacionais en axilidade, xestión de proxectos e transformación dixital (Scrum.org, PMI, Scaled Agile, PeopleCert, entre outras), e acompañou a empresas como Estrella Galicia, Ibermática, Televes ou Johnson Controls nos seus procesos de evolución organizativa. O seu enfoque práctico e próximo converte cada sesión nunha oportunidade real de aprendizaxe e cambio.