ITIL 4 sitúa a mellora continua como un dos seus principios reitores, pero implantala de forma efectiva require algo máis que boas intencións. Nesta sesión daremos un paso máis aló da teoría para explorar como crear unha cultura sólida de mellora continua, definir métricas útiles que reflictan o valor achegado, e utilizar a automatización para acelerar o ciclo de aprendizaxe. Veremos como conectar a mellora coa estratexia, como identificar oportunidades en distintos niveis do servizo, e como evitar que as iniciativas de mellora queden relegadas a tarefas secundarias. Unha mirada práctica para facer da mellora unha realidade sostida no tempo.

O relator será Óscar Díaz Chamas, formador freelance con máis de 15 anos de experiencia en xestión de proxectos e metodoloxías agiles. Cun perfil técnico sólidamente apoiado polo seu dominio de ITIL, PRINCE2, Lean, Scrum Master e Product Owner, Óscar aplica un enfoque humano, próximo e eminentemente práctico. Óscar impartiu cursos oficiais en contornas corporativas e mantén un equilibrio efectivo entre teoría e práctica, favorecendo a aprendizaxe experiencial mediante casos reais e dinámicas colaborativas.

Como formador en Scrum Manager e outros espazos formativos en Madrid, é moi valorado polas súas sesións amenas, interactivas e útiles para o día a día. Os seus alumnos destacan que «fai fácil o complexo», grazas ao seu carisma, empatía e claridade.

A súa sólida traxectoria formativa e a súa capacidade para transmitir coñecementos con claridade e entusiasmo fan que cada sesión con el sexa unha oportunidade real de aprendizaxe e cambio.