Coñecer as capacidades de Oracle Machine Learning e aprender a construír, adestrar e executar modelos directamente dentro de Oracle mediante SQL e sen mover os datos.

Dirixido a analistas de datos, científicos de datos e técnicos con experiencia en Oracle que queiran introducir intelixencia artificial nos seus procesos sen saír da contorna SQL.

O relator será Antonio Varela Nieto, Enxeñeiro Técnico en Informática de Sistemas, con máis de 15 anos de experiencia no sector TIC. Comezou o seu camiño en mundo TIC co desenvolvemento de aplicacións web en JAVA, tecnoloxía na que especializou, chegando a ser Official Trainer para Oracle durante varios anos, aínda que a súa experiencia non se centra só no ámbito da formación, senón que a foi compaxinando con diferentes roles, desde desenvolvemento a análise, chegando a xefe de proxecto. Nos últimos anos focalizouse principalmente en dúas áreas: desenvolvemento de interfaces multidispositivo, incluíndo o uso de Realidade Aumentada e Realidade Virtual, e na manipulación e analítica de datos usando tecnoloxías como Python e intelixencia artificial.
Entre as empresas e organismos aos que asesorou ou formou atópanse: Tecnocom, PSA Citroën, Universidade de Santiago de Compostela, Balidea, Centro de novas Tecnoloxías de Aragón (CTA), Centro de Novas Tecnoloxías de Galicia (CNTG), Opentrends, Xunta de Galicia, AMFEAFIP, ESTALMAT, FINSA, Grupo SM, SERVEF...