Este taller práctico introduce aos participantes no uso de Cisco Modeling Labs (CML) Free, unha ferramenta de emulación de redes que permite traballar con contornas moi próximas a escenarios reais. 

Dirixido a persoas con coñecementos de redes e, especialmente a aqueles con experiencia previa con Cisco Packet Tracer, o taller propón dar o salto desde a simulación cara á emulación, permitindo comprender como funcionan realmente os dispositivos Cisco nunha contorna máis fiel á práctica profesional.

Ao longo da sesión, os asistentes aprenderán a instalar e configurar CML, crear os seus primeiros laboratorios e despregar topoloxías básicas con routers e switches. Ademais, abordaranse as principais diferenzas respecto a Packet Tracer, destacando aspectos clave como a configuración manual completa, o comportamento real dos protocolos e a xestión de recursos. 

O obxectivo é que cada participante sexa capaz de construír e validar os seus propios escenarios de rede en CML, sentando as bases para avanzar cara a contornas máis complexas e certificacións profesionais.