| Metodoloxía | Virtual |
|---|---|
| Tipo | SEMINARIO |
| Data inicio | 12/05/2026 |
| Data fin | 12/05/2026 |
A intelixencia artificial xa forma parte do traballo diario de moitas organizacións, pero obter un valor real destas ferramentas depende en gran medida de saber como utilizalas correctamente. Esta sesión mostra como empezar a traballar con Microsoft 365 Copilot Chat para converter ideas, preguntas e necesidades concretas en accións útiles que axuden a mellorar a produtividade, axilizar tarefas e facilitar a colaboración.
Ao longo da sesión explorarase como interactuar con Copilot Chat, como redactar instrucións máis eficaces e como aproveitar as súas capacidades para resumir información, xerar contido, organizar traballo e colaborar con maior axilidade. Tamén se abordarán boas prácticas de uso, criterios para obter mellores resultados e formas de utilizar a ferramenta de xeito seguro en contextos profesionais.
O obxectivo é que as persoas asistentes salgan cunha visión clara das posibilidades reais de Copilot Chat e con ideas prácticas para empezar a aplicalo na súa contorna de traballo desde o primeiro momento.
- Comprender que é Microsoft 365 Copilot Chat e como pode axudar no traballo diario
- Aprender a redactar prompts e instrucións máis eficaces
- Coñecer formas prácticas de utilizar Copilot Chat para resumir información, xerar contido e organizar tarefas
- Mellorar a produtividade mediante o uso guiado de capacidades de IA en tempo real
- Entender como colaborar de forma máis áxil e segura con axuda de Copilot Chat
- Descubrir boas prácticas para obter resultados máis útiles e consistentes
Usuarios profesionais, persoal de oficina, perfís de negocio e calquera persoa interesada en aprender os conceptos básicos de Microsoft 365 Copilot Chat para mellorar o seu traballo diario e a súa produtividade.
O relator será Juan Carlos Quijano Abad, Microsoft Certified Trainer (MCT), arquitecto de solucións en Azure e especialista en tecnoloxías Microsoft, cunha sólida traxectoria en formación técnica, arquitectura cloud, Power Platform, DevOps e FinOps. Desde hai anos traballa como formador e mentor en itinerarios oficiais e especializados de Microsoft, abordando áreas como intelixencia artificial, datos, seguridade, desenvolvemento, automatización de procesos e transformación dixital. O seu perfil combina experiencia técnica, visión de negocio e un enfoque moi orientado á aplicación práctica da tecnoloxía en contornas reais.
Ao longo da súa carreira desempeñou funcións como arquitecto de solucións, team lead, responsable técnico e mentor en procesos Agile e DevOps, alén de participar activamente na divulgación tecnolóxica a través de blogs e comunidades especializadas. Conta con certificacións oficiais en ámbitos crave como Azure AI Engineer, Azure Data Scientist, Azure Developer, Azure Solutions Architect, Power Platform Solution Architect e Microsoft Certified: AI Business Professional, entre outras. A súa experiencia permítelle achegar unha visión actual e aplicada sobre como integrar a intelixencia artificial nos fluxos de traballo e como impulsar procesos de transformación baseados en IA dentro das organizacións.
- Duración :
4 horas - Metodoloxía :
Virtual - Tecnoloxía :
- IA
- Microsoft
- Introdución a Microsoft 365 Copilot Chat
- Que pode achegar Copilot Chat ao traballo diario
- Fundamentos para redactar prompts eficaces
- Xeración de ideas, resumos e contidos con axuda de IA
- Organización do traballo e mellora da produtividade
- Colaboración en tempo real con apoio de Copilot Chat
- Boas prácticas de uso e recomendacións para contornas profesionais
- Limitacións, criterios de uso e seguridade
- Casos prácticos e exemplos de aplicación
- Conclusións e seguintes pasos