Na era dixital actual, as tecnoloxías baseadas en datos (Data Technologies) deixaron de ser unha ferramenta exclusiva dos departamentos técnicos para converterse nun factor crave de competitividade en todas as organizacións. As decisións empresariais máis acertadas e oportunas xa non dependen unicamente da intuición ou da experiencia, senón que se basean na análise profunda dos datos dispoñibles, que poden revelar patróns, predicir tendencias e proporcionar unha vantaxe estratéxica significativa. 

Non entender o potencial dos datos e as tecnoloxías relacionadas pode deixar ás organizacións nunha desvantaxe significativa fronte aos seus competidores. A capacidade para colleitar, xestionar e analizar datos de maneira eficaz permite ás empresas tomar decisións máis informadas, adaptarse rapidamente a cambios do mercado e, sobre todo, xerar valor sostible a longo prazo. Isto é algo que non só os equipos técnicos, senón os propios líderes empresariais, deben ser capaces de integrar nas súas estratexias.

Participará unha mesa de expertos na materia:

• Pilar Magdalena, directora de transformación dixital do Grupo Servicio Móvil.
• Cora Vinagre, innovation manager do International Quantum Center de Fsas (Fujistsu).
• Patricia López, subdirectora da área de innovación empresarial de IGAPE.

A moderación será realizada por Gerardo Estévez Suárez, Licenciado en Ciencias Empresariais e Diplomado en Auditoría pola Universidade de Vigo. Socio Director de Grupo Elige.