Neste obradoiro presentarase o concepto de automatización de configuracións de dispositivos de rede, concretamente de equipamento Cisco. Estas tarefas de automatización abordaranse utilizando como linguaxe de programación base Python, do que se fará unha pequena introdución.
A automatización de configuracións en dispositivos de rede Cisco utilizando Python como linguaxe base permite simplificar e axilizar tarefas repetitivas, como a configuración inicial, actualización e a xestión da rede en xeral. Python, coas súas librerías, facilita a conexión remota aos dispositivos Cisco mediante SSH e a execución de comandos para facer cambios na configuración.
Realizarase tamén unha breve introdución ao funcionamento e configuración básica do sistema operativo Cisco IOS para, a continuación, orientar a sesión ao desenvolvemento de exemplos básicos de uso para que calquera administrador de rede podida realizalos sen necesidade de coñecementos previos de programación.
O relator será FRANCISCO JAVIER NÓVOA DE MANUEL, da Universidade da Coruña, que colabora con ACADEMIA POSTAL no programa Cisco Networking Academy desde hai máis de 25 anos.