Neste taller desenvolverase o concepto de automatización de configuracións de dispositivos de rede Cisco con Ansible.
A automatización de configuracións de dispositivos de rede con Ansible permite xestionar e configurar de xeito eficiente dispositivos como routers, switches ou firewalls simplificando tarefas como a implementación, actualización e mantemento da rede.
Inicialmente, farase unha breve introdución ao funcionamento e configuración básica do sistema operativo Cisco IOS, con fin de establecer un entorno de traballo básico para desenvolver o resto do obradoiro. A continuación, amosaranse os principios fundamentais do funcionamento da plataforma Ansible. Finalmente, desenvolveranse exemplos de automatización de configuracións de dispositivos, facilitando a operación e mantemento da infraestrutura de rede, superando as prestacións de outras aproximacións de automatización mais sinxelas.
O relator será FRANCISCO JAVIER NÓVOA DE MANUEL, da Universidade da Coruña, que colabora con ACADEMIA POSTAL no programa Cisco Networking Academy desde hai máis de 25 anos.