UEFI cumpre 20 anos de vida, pero aínda é un gran descoñecido para a maioría dos administradores de sistemas pola súa complexidade. O seminario será unha mestura de parte teórica e parte práctica, para poder manexar con coñecemento de causa, UEFI en sistemas Linux. A parte práctica do seminario será sobre unha máquina virtual con Fedora 43.

O relator da xornada será Fernando Ruiz-Tapiador, Blockchain Professional (CBP) polo IIB Council, Ethical Hacker (CEH) polo EC Council, e Arquitecto Certificado por Red Hat (RHCA). Colaborador habitual do CNTG desde hai máis de 10 anos, con dilatada experiencia como experto formador certificado en Seguridade e Infraestrutura de Red Hat (con 17 certificacións de Red Hat), e en certificacións de ciberseguridade do EC Council.