Este seminario aborda a perspectiva de Palo Alto Networks, líder mundial en ciberseguridade, mediante a presentación de solucións destinadas á protección de infraestruturas de rede.

• Next-Generation Firewall: Expoñerase a arquitectura xeral das solucións de NGFW e as súas diversas variantes (Series PA, Series VM, Series CN), os sistemas operativos PAN Os asociados, e incluirá unha breve descrición sobre a preparación ante a era da Criptografía Post-Cuántica (PQC).
• Seguridade para o Acceso á IA Xenerativa: Ante a irrupción e a adopción xeneralizada da Intelixencia Artificial xenerativa, presentaranse as solucións de IA Security propostas por Palo Alto Networks.
• Secure Access Service Edge (SASE): O futuro da seguridade converxe no despregamento de solucións no bordo da rede. Detallarase a solución de Palo Alto Networks en contornos SASE, incluíndo exemplos de diversos casos de uso. 

O relator da xornada será Severino Castromán Souto, enxeñeiro de telecomunicacións pola Universidade de Vigo, quen conta con máis de 25 anos de experiencia no sector das Telecomunicacións, abarcando a Enxeñería e Operación de Redes de Operadores, Áreas de Tecnoloxía e a Xestión de Grandes Clientes no ámbito da empresa privada e a Administración Pública.

Actualmente, desempeña as súas funcións como Solutions Consultant en Palo Alto Networks, focalizado no sector da Administración Pública na rexión Norte, onde participa activamente no deseño e a validación técnica de solucións para as necesidades de Ciberseguridade.

Seve  aborda as distintas solucións técnicas desde a perspectiva dos casos de uso prácticos, destacando como as solucións de Palo Alto contribúen a que os clientes superen os seus desafíos