Guía de bolsas e axudas para persoas traballadoras desempregadas, exercicios 2025 e 2026
| Códigos SICAS dos cursos da programación 2026/2027 | ||
| Denominación | Modalidade | Horario |
| XTIFCT2624 - A relación co cliente e a venda de Servizos TIC | Presencial | Mañá |
| XTIFCT2528 - Advanced Architecting on AWS - 2ª edición | Teleformación (virtual) | Tarde |
| XTIFCT2629 - Apache Spark e procesamento masivo territorial - 2ª edición | Teleformación (virtual) | Tarde |
| XTIFCT2627 - Casos prácticos de recolección e clientes MQTT - 2ª edición | Teleformación (virtual) | Tarde |
| XTIFCT2557 - Curso en IA para profesionais de ciberseguridade e privacidade | Teleformación (virtual) | Tarde |
| XTIFCD2516 - Data Engineer on AWS | Teleformación (virtual) | Tarde |
| XTIFCT2621 - Directiva INSPIRE e metadatos xeoespaciais | Teleformación (virtual) | Tarde |
| XTIFCT2630 - Ecosistema FIWARE, Context Broker, Kafka e RabbitMQ - 2ª edición | Teleformación (virtual) | Tarde |
| XTIFCT2620 - Gobernanza do ciclo de vida do dato, roles e responsabilidades | Teleformación (virtual) | Tarde |
| XTIFCT2632 - Gobernanza do ciclo de vida do dato, roles e responsabilidades - 2ª edición | Teleformación (virtual) | Tarde |
| XTIFCT2633 - Interoperabilidade con espazos de datos europeos - 2ª edición | Teleformación (virtual) | Tarde |
| XTIFCT2626 - Introdución a Data Lakes e Data Warehouses - 2ª edición | Teleformación (virtual) | Tarde |
| XTIFCP2517 - ITIL4 Leader: Digital and IT Strategy | Teleformación (virtual) | Tarde |
| XTIFCT2564 - LPIC-3 Enterprise Security | Teleformación (virtual) | Tarde |
| XTIFCD2518 - Microsoft Azure Data Engineer | Teleformación (virtual) | Tarde |
| XTIFCD2517 - Microsoft Azure Developer – 2ª Edición | Teleformación (virtual) | Tarde |
| XTIFCT2533 - Microsoft Azure Solutions Architect Expert - 2ª Edición | Teleformación (virtual) | Tarde |
| XTIFCT2622 - Palo Alto Firewall Essentials: Configuration and Management - EDU-210 | Teleformación (virtual) | Tarde |
| XTIFCP2512 - PMI-ACP Agile Certified Practitioner | Presencial | Tarde |
| XTIFCT2631 - Principios de visualización masiva e IA aplicada - 2ª edición | Teleformación (virtual) | Tarde |
| XTIFCT2541 - Red Hat Enterprise Linux Automation with Ansible - 2ª edición | Presencial | Tarde |
| XTIFCT2628 - Representación territorial e analítica agnóstica - 2ª edición | Teleformación (virtual) | Tarde |
| XTIFCT2625 - Sensores, telemetría xenérica e recolección territorial - 2ª edición | Teleformación (virtual) | Tarde |
| XTIFCT2623 - Splunk Core Certified Power User | Mixta | Tarde |
O procedemento de concesión de subvencións, en réxime de concesión directa, para a obtención de bolsas e axudas para os exercicios 2025 e 2026 regúlase mediante a Orde do 16 de outubro de 2025 (DOG núm. 210, do 30 de outubro). Mediante esta orde regúlase o réxime de concesión directa de subvencións por parte da Consellería de Emprego, Comercio e Emigración en concepto de bolsas e axudas para persoas traballadoras desempregadas que participen en accións formativas do Sistema de formación profesional dos graos A, B ou C, ou de especialidades formativas do Catálogo de especialidades formativas do Servizo Público de Emprego Estatal, financiadas por esta consellería (código do procedemento TR301V).
Non se inclúe no ámbito de aplicación desta orde a formación impartida nos programas integrados de emprego, nos obradoiros de emprego, nas accións formativas financiadas con fondos procedentes do Mecanismo para a recuperación e resiliencia ou con fondos provenientes da Unión Europea.
INFORMACIÓN SOBRE O PROCEDEMENTO
En relación coas bolsas e axudas que se soliciten para as accións formativas impartidas no Centro de Novas Tecnoloxías de Galicia, poderán obter información chamando ao teléfono 881 99 78 03 ou consultando o enderezo web https://cntg.xunta.gal/web/cntg/bolsas-e-axudas.
NOTAS ACLARATORIAS
A información que se recolle nos seguintes puntos é orientativa, polo que as persoas interesadas deberán acceder ao texto orixinal da orde publicado no Diario Oficial de Galicia (enlazado arriba) e coñecer o seu contido antes de presentar a súa correspondente solicitude.
Obxecto (artigo 1 da orde)
A través da dita orde convócanse subvencións, en réxime de concesión directa, referidas ás accións formativas que se inicien no período comprendido entre o día 1 de novembro de 2025, día da entrada en vigor desta orde, e o día 31 de outubro de 2026, ámbolos dous incluídos.
Persoas beneficiarias (artigo 3 da orde):
Poderán obter a condición de persoas beneficiarias das subvencións en concepto de bolsas e axudas recollidas nesta orde as persoas traballadoras desempregadas que participen nas accións formativas recollidas no artigo 1 e que reúnan os requisitos exixidos con carácter xeral nela, así como os particulares establecidos para cada tipo de bolsa ou axuda.
Terán a condición de persoas traballadoras desempregadas aquelas inscritas como demandantes de emprego no Servizo Público de Emprego de Galicia con situación laboral como non ocupadas na data de inicio da acción formativa ou, tamén, aquelas que tendo a condición laboral de ocupadas adquiran a condición de persoas traballadoras desempregadas inscritas no SPEG con situación laboral como non ocupadas durante o período de desenvolvemento da acción formativa.
Neste artigo 3 regúlase tamén o resto da casuística daquelas persoas que cambien de situación laboral durante o desenvolvemento do curso, pasando de desempregadas a ocupadas ou viceversa.
A persoa beneficiaria debe comprometerse a manter os requisitos que lle permiten o acceso á subvención durante todo o período de tempo inherente ao recoñecemento de tal dereito, de maneira que, se deixa de cumprilos, estará obrigada a comunicalo por escrito ao órgano competente para resolver, no prazo de cinco días hábiles dende que se produza tal circunstancia.
Prazo de presentación das solicitudes (artigo 19 da orde)
- A persoa traballadora desempregada deberá presentar a súa solicitude no prazo dun mes dende a súa incorporación á acción formativa, ou dende que teña lugar o feito causante que determina o dereito.
- A presentación da solicitude fóra de prazo dará lugar á súa inadmisión sen máis trámites, logo de resolución que deberá ser ditada nos termos previstos no artigo 21 da Lei 39/2015, do 1 de outubro, do procedemento administrativo común das administracións públicas.
Forma e lugar de presentación das solicitudes (artigo 15 da orde)
- No tocante ás persoas traballadoras desempregadas que participen nas accións formativas impartidas no Centro de Novas Tecnoloxías de Galicia, as solicitudes dirixiranse á Dirección Xeral de Formación e Cualificación para o Emprego e, para iso, terán que sinalar no cadro correspondente da solicitude do anexo I a opción que corresponda (situado na parte inferior da solicitude).
- No formulario de solicitude apartado Datos da acción formativa non se cubrirá o campo Código do curso, no campo Denominación do curso incluirase a Denominación que figura na táboa Códigos SICAS dos cursos da programación 2025/2026 anterior correspondente ao curso prara o que se solicita a bolsa/axuda.
- As solicitudes presentaranse preferiblemente por vía electrónica a través do formulario normalizado do anexo I, procedemento TR301V, dispoñible na sede electrónica da Xunta de Galicia: https://sede.xunta.gal.
Opcionalmente, as solicitudes poderán presentarse presencialmente en calquera dos lugares e rexistros establecidos na normativa reguladora do procedemento administrativo común (o CNTG non é competente para recoller nin para rexistrar as solicitudes).
Para a presentación electrónica das solicitudes poderá empregarse calquera dos mecanismos de identificación e sinatura admitidos pola sede electrónica da Xunta de Galicia, incluído o sistema de usuario e clave Chave365 (https://sede.xunta.gal/chave365).
O procedemento asociado para realizar a presentación é o "TR301V".
Réxime de concesión das bolsas e axudas (artigo 4 da orde)
As subvencións reguladas nesta orde son compatibles e acumulables entre si coas seguintes excepcións:
- As bolsas de asistencia para persoas cunha discapacidade recoñecida nun grao igual ou superior ao 33%, así como as destinadas a persoas que formen parte dunha familia monoparental ou numerosa son excluíntes entre si e non se poderán percibir simultánea e acumulativamente.
- A axuda por transporte público e a axuda por transporte en vehículo propio son incompatibles entes elas.
Nas actividades presenciais, o dereito do alumnado a percibir as bolsas e axudas recollidas nesta orde referirase a cada día de asistencia debidamente acreditada a través dos medios de control de presenza autorizados.
O alumnado que participe en accións formativas impartidas, total ou parcialmente, na modalidade de teleformación ou mediante aula virtual, terá dereito a percibir, sempre que quede debidamente acreditada a súa participación ou asistencia e cumpran cos requisitos necesarios para a súa obtención, as seguintes bolsas e axudas: bolsa de asistencia por discapacidade, bolsa de asistencia por ser membro dunha familia monoparental ou numerosa, axuda por conciliación e axuda a vítimas de violencia de xénero.
Cando a formación se imparta na modalidade de teleformación ou mediante aula virtual, o alumnado terá dereito, de ser o caso, a percibir axudas por transporte, para manutención ou por aloxamento e manutención, naquelas sesións en que a actividade formativa requira a presenza física das persoas alumnas participantes.
Tipos de bolsas e axudas
- Bolsas de asistencia para os seguintes colectivos:
- Persoas con discapacidade recoñecida en grao igual ou superior ao 33% (art. 5).
- Membros integrantes dunha familia numerosa (art. 5)
- Membros integrantes dunha familia monoparental (art. 5)
- Vítimas de violencia de xénero (art. 6)
- Axudas por participar na acción formativa:
- Para transporte público, urbano e interurbano, ou vehículo propio (art. 7)
- Para manutención (art. 8)
- Para aloxamento e manutención (art. 8)
- Para conciliación (art. 9)