Programación Avanzada en Python – 2º Edición 

Este curso ofrece unha inmersión profunda na programación avanzada utilizando Python e tecnoloxías relacionadas, cubrindo amplamente as nocións e técnicas avanzadas da Programación Orientada a Obxectos (OOP). Os/as participantes adquirirán coñecementos tanto básicos como avanzados en OOP, explorarán técnicas avanzadas para o manexo de excepcións e introduciranse na metaprogramación.

Ao longo do curso, desenvolveranse as habilidades necesarias para deseñar e crear programas en Python utilizando un enfoque orientado a obxectos. Isto inclúe unha comprensión profunda das mellores prácticas e estándares de codificación en Python, cun enfoque particular en PEP 8 para implementar convencións de codificación que abarquen a Standard Library na distribución principal de Python. Ademais, discutirase o Zen de Python (PEP 20) e as influencias destes principios no deseño do código de Python, así como PEP 257 que se centra nas convencións de docstring.

O curso tamén aborda a creación de interfaces gráficas de usuario (GUI) utilizando TkInter, o conxunto de ferramentas de interface gráfica incluído na Standard Library de Python. Os/as estudantes aprenderán a construír aplicacións GUI prácticas como calculadoras, xogos de Tic-Tac-Toe e formularios simples, adquirindo competencias esenciais para o deseño, a creación e a implementación de proxectos de GUI en situacións reais.

Ademais, o curso profunda na programación de redes con Python, ensinando aos/as estudantes como usar sockets e comunicarse con RESTful APIs utilizando métodos CRUD. Cubriranse tamén os fundamentos dos arquivos JSON e XML, e aprenderanse métodos HTTP básicos como GET, POST, PUT e DELETE.

A capacidade de traballar con diferentes tipos de datos e arquivos é crucial no desenvolvemento profesional, e este curso proporciona unha formación extensiva no manexo de bases de datos SQLite, procesamento de arquivos XML e CSV, xestión de mensaxes de log co módulo logging e administración de arquivos de configuración co módulo configparser.

Ao finalizar este curso, os estudantes estarán equipados con habilidades avanzadas en análises de datos, desenvolvemento de software, e resolución de problemas, listos para aplicar os seus coñecementos en proxectos que requiran manipulación intensiva de datos e procesamento avanzado de arquivos.

O material didactico e o exame de certificación están dipoñibles en inglés.