Do AI Engineering aos sistemas multiaxente: metodoloxías, orquestración e decisións técnicas

A incorporación da intelixencia artificial ao desenvolvemento non depende só de ferramentas ou modelos, senón tamén de metodoloxías, patróns de traballo e decisións técnicas que permitan manter calidade, control e sustentabilidade. Esta sesión aborda como estruturar ese traballo desde unha perspectiva de AI Engineering, e como evolucionar cara a escenarios máis complexos onde interveñen axentes, memoria compartida, orquestración e, en determinados casos, a valoración de modelos propios ou open-source.

Ao longo do seminario revisaranse enfoques como spec-driven development, human-in-the-loop, avaliación de outputs e xestión do risco, así como as súas implicacións en proxectos greenfield e brownfield. Tamén se introducirá o concepto de axente, os fundamentos dos sistemas multiagente, patróns de orquestración e exemplos prácticos de colaboración entre axentes. Finalmente, ofrecerase unha visión xeral sobre cando pode ter sentido exporse modelos propios, despregamentos open-source ou estratexias alternativas ao uso de APIs externas.

O obxectivo é que as persoas asistentes obteñan unha visión máis estratéxica e técnica de como incorporar IA de forma sostible ao ciclo de desenvolvemento, e como tomar decisións con criterio cando os escenarios se volven máis avanzados.