Orquestración de contedores con Nutanix Kubernetes Platform

A tecnoloxía de contedores é un dos motores que está a impulsar a transformación das aplicacións e polo tanto dos negocios en todo tipo de empresas e entidades públicas.

Xestionar contedores a escala é un reto ao que Kubernetes deu resposta como o orquestrador de facto da industria, pero Kubernetes carece de capacidades empresariais que os clientes deben suplir con proxectos de comunidade ou software propietario.

Nutanix Kubernetes Platform (NKP) dota aos clientes cun conxunto de capacidades completo que facilita o despregamento de solucións baseadas en contedores.

Nesta sesión presentaranse os principais retos do despregamento de contedores, como NKP pode axudar neses despregamentos e realizarase unha demostración do uso da plataforma.